С.Аманжолов атындағы ШҚМУ «Дефектология» және «Психология» мамандығының 1-курс студенттері оқу іс-тәжірибесі шеңберінде кәсіби мамандармен онлайн режимінде кездесті.

Кездесуге Өскемендегі мүмкіндігі шектеулі балаларға арналған «Алтын дән» балабақшасының дефектолог-педагогы М. Кешубаева, Өскемендегі 5518 әскери бөлімінің психологы Айдархан Мақсат, Өскемендегі «Үлбі» халыққа әлеуметтік психологиялық көмек көрсету орталығы Дағдарыстық жағдайдан шығу бойынша көмек көрсету бөлімінің психологы А. Романовская қатысты.

Олар психология және дефектология мамандығының қыр-сырымен, нақты тәжірибелерімен бөлісті. Студенттер өздерін қызықтырған сауалдарына жауап алды.

Баспасөз қызметі