ШҚМУ-да ЖОО оқытушыларына арналған ақпараттық сауаттылық курстары басталды

С.Аманжолов атындағы ШҚМУ-да «ЖОО оқытушысының IT-сауаттылығы» онлайн курсы басталды.

Бірнеше жеке курстардан тұратын курстар компьютерлік модельдеу және ақпараттық технологиялар кафедрасының, қашықтық технологиялар бөлімінің, Білім беру және цифрландыру ақпараттық технологиялары орталығының бірлескен күшімен ұйымдастырылды.

Үйлестірушісі – Кәсіптік дайындық және біліктілікті арттыру ресурстық орталығы.

Бұл курстың мақсаты – университет оқытушыларының оқу-әдістемелік жұмыстарына қолдау көрсету.

Ұйымдастырушылар университеттің профессорлық-оқытушылық құрамының IT-құзыреттілігін жетілдіруге бағытталған бірқатар мәселелерді шешуді көздеп отыр, олар – білім беру үрдісін (тұжырымдамасын) ақпараттық қамтамасыз етудің бірыңғай көзқарасын қалыптастыру, білім берудегі компьютерлік бағдарламаларды қолдану тенденцияларымен таныстыру, білім беру процесінде IT-шешімдерді қолданудың практикалық тәжірибесін жинау, IT-құралдарды дамытудың болашақ бағыттары мен проблемаларына шолу жасау.

Курстарға қатысуға 100-ден астам адам өтінім берді.

Баспасөз қызметі