ШҚМУ ғалымдары тозуға төзімді материалдарды алу технологияларын белсенді дамытуда

«Беттік инженерия және трибология» ғылыми-зерттеу орталығы – бұл материалтанушылар мен физиктер үшін таптырмас база. Бұл орталықта кадр дайындау жұмыстары белсенді жүргізілуде, PhD докторанттарының диссертациялары мен магистлік диссертациялар орындалуда.

Заманауи машина жасау саласының дамуы жаңа материалдарды игерумен және өндіріске инновациялық технологияларды енгізумен байланысты. Пайдалану жағдайларын қатайту және жұмыс элементтерінің, машина жасау техникалары тораптарының құрылымын күрделендіру тиімді қорғаныс құралдарын құруды талап етеді.

Машина жасау өнімдерінің көпшілігі әртүрлі дәрежедегі болаттан жасалған, ал агрессивті сыртқы факторлардан қорғау функционалды жабындар мен беттік модификацияларды қолдану арқылы қамтамасыз етіледі. Машина жасау өнімнің сапасына ұдайы өсіп келе жатқан талаптар, ең алдымен, олардың пайдалану қасиеттерінің маңызды көрсеткіші ретінде бөлшектердің беріктігін арттыру қажеттілігімен байланысты.

Жоғарыда айтылғандарға байланысты, С. Аманжолов атындағы ШҚМУ ғалымдары машина жасаудың кезек күттірмейтін мәселелерінің бірі – болаттар мен қорытпалардың бетін беріктендірудің қолданыстағы және жаңа технологияларын жетілдіру арқылы машина бөлшектері мен құралдарының қызмет ету мерзімін ұлғайту мәселелерімен белсенді айналысуда. Атап айтқанда, олар электролит-плазманы, құрылымдық болаттарды химиялық-термиялық өңдеудің ресурс үнемдеуші әдістерін, ұнтақты қорғаныш жабындарын қолданудың плазмалық әдістерін жетілдіруде, жоғары жылдамдықта кесетін болаттардан жасалған кескіш құралдарға қорғаныс жабындарын, сонымен қатар ауылшаруашылық машиналарының пышақтарының жұмыс бетін қатайтудың технологиялық процестерін жасауда. С. Аманжолова ғалымдарының әзірлемелері үш патентпен қорғалған және импакт-факторы жоғары журналдарда кеңінен ұсынылған.

ШҚМУ жас ғалымдарының осы бағыттар бойынша жұмыстары 2018 жылдан бастап Білім және ғылым министрлігінің «Машина жасау бұйымдарына арналған тозуға төзімді материалдарды өндірудің инновациялық технологияларын зерттеу және жасау» жобасының аясында бағдарламалық-мақсатты қаржыландырудың көмегімен жүзеге асырылуда, қаржыландыру көлемі 266 млн. теңгені құрайды.

Жобаның жетекшісі – ШҚМУ «Беттік инженерия және трибология» ғылыми-зерттеу орталығының аға ғылыми қызметкері, PhD, доцент Бауыржан Қорабайұлы Рахәділов. Осы жоба аясында С. Аманжолов атындағы ШҚМУ ректоры Мұхтар Әділбекұлы Төлегеннің бұйрығымен «Беттік инженерия және трибология» ғылыми орталығы құрылды.

Бүгінгі таңда бұл орталық CCDS2000 детонациялық кешені, «Tribometer TRB3» триометрі, «NanoScan-4D Компакт» нанотвердомері және басқа жоғары технологиялық құралдармен жабдықталды. Сонымен қатар, үстіміздегі жылы ұнтақ жабындарын бүркудің автоматтандырылған процесін енгізу үшін өнеркәсіптік роботты сатып алу жоспарлануда.

Баспасөз қызметі