ШҚМУ оқытушылары мен студенттері «Сандық білім – әлемдік трэнд» вебинарына қатысты

Университет оқытушылары мен студенттері жетекші қазақстандық оқу әдебиет баспасы – «Эпиграф» компаниясының «Сандық білім – әлемдік трэнд» вебинарына қатысты.

Вебинар жүргізушілері оқу үрдісінде жаңа буын мультимедиялық оқулықтарды пайдаланудың техникалық және технологиялық мәселелеріне және университет оқытушылары мен студенттері үшін қол жетімді «Эпиграф» (www.res.epigraph.kz)  электрондық ресурсының мүмкіндіктеріне жіті назар аударды.

Вебинарға қатысушылар сервистер мен навигация, оқулықтардың электронды формасының құрылымы мен элементтері, олармен жұмыс істеу тәсілдері сияқты сайттың мүмкіндіктерімен танысты.

Университет оқытушылары өз оқулықтарын баспа тұғырнамасына  орналастыру мүмкіндіктері туралы толық жауап алды.

Вебинар барысында университет оқытушылары өзекті тақырыпқа асқан қызығушылық танытып, барлық мүдделі тараптар бір-бірін тыңдап, жоба шеңберінде белгілі бір тәжірибе алды.

Ғылыми кітапхана