Қазақ, орыс филологиясы және журналистика кафедрасының студенттері алғаш рет іс-тәжірибе бойынша онлайн-есеп берді
С.Аманжолов атындағы ШҚМУ-дың Қазақ, орыс филологиясы және журналистика кафедрасы 4-курс студенттерінің іс-тәжірибе есебін қорғауының онлайн конференциясын өткізді.
Кафедра «Қазақ тілі мен әдебиеті» мамандығы 4-курс студенттерінің 20 қаңтар – 20 наурыз аралығында өткен педагогикалық іс-тәжірибесін қорытындылау мақсатында комиссия мүшелерінің қатысуымен іс-тәжірибе есебін қорғаудың онлайн конференциясын өткізді.
Ақпараттық коммуникация технологиясын еркін меңгерген студенттер үшін бұл конференция өз ойларын еркін жеткізіп, алған тәжірибелерімен еркін алмасуға мүмкіндік берді.
Түлектер білімдері мен біліктерін жан-жақты көрсете отырып, жіберілген білім беру мекемелердегі ұстаздардың алғыстарын алып қайтқан. Кейбір студенттерімізді мектептердің жұмысқа шақырып жатқаны – іс-тәжірибенің белгілі бір мақсатына жеткенінің көрінісі.
Аталмыш іс-тәжірибені қорытындылауға арналған онлайн конференция университет тарихында алғаш болғанына қарамастан оқытушылар мен студенттердің белсенділігі нәтижесінде жоғары деңгейде өтті.
#AMANZHOLOV_UNIVERSITY
#BIZBIRGEMIZ
#ШҚМУОНЛАЙН
#БІЗВИРУСТЫЖЕҢЕМІЗ
#ЯДОМА
Қазақ, орыс филологиясы және журналистика кафедрасы
Қазақ