Құрметті әріптестер, ардагерлер, студенттер!

Қазақстан Республикасының Тәуелсіздігі күніне орай шын жүректен шыққан құттықтауымды қабыл алыңыздар!

Бұл – біртұтас Қазақстан халқын құрайтын бүкіл қазақстандықтар үшін ең басты мерекелердің бірі.

1991 жылдың 16 желтоқсанында әлемнің саяси картасында жаңа мемлекет – Қазақстан Республикасы пайда болды. Сол сәттен қазақстандықтар әлемдік қауымдастықтан лайықты құрметін алған өздерінің даңғыл жолын бастады.

Тәуелсіздік күні мықты егемен елдің еркіндігі мен күш-қуатының айшықты белгісі саналады, тәуелсіздік алғалы бері Қазақстанның тарихы жаңа жетістіктермен, жасампаз өзгерістермен және қарқынды дамумен жалғасын тапты.

Сіздерге зор денсаулық, ырыс-береке мен тұрақтылық тілеймін, шаңырақтарыңызға шаттық ұяласын!

Мереке құтты болсын!

С. Аманжолов атындағы ШҚМУ ректоры, профессор  М.Ә. Төлеген