Құрметті әріптестер, студенттер!

Сіздерді ең маңызды мерекелердің бірі - Конституция күнімен құттықтаймын! 

Біздің Конституция Қазақстан әлемнің дамыған 30 елінің қатарына енуі үшін тариxи мақсат, тапсырмаларды жүзеге асыратын негіз болып табылады. Негізгі заңға арқа сүей отырып, жеке тұлғаның шығармашылық, интеллектуалды және кәсіби потенциалын іске асыруға қажетті шарттарды құруға талпынамыз.

Мемлекет басшысы бүгінде ауқымды бағдарламаларды іске асыру бойынша маңызды тапсырмалар қойып отыр, солардың бірі заманауи сапалы білім бағдарламаларын іске асыру. Конституцияның басты құндылықтары адам, оның өмірі, құқығы мен еркіндігі. Бұл тәуелсіздік пен еліміздің кемел келешегінің негізі. 

Жылдан жылға біздің басты құндылықтарымыз – Тәуелсіздігіміз, Келісім мен Бірлігіміз нығая берсін. Әр шаңыраққа құт-береке, ырыс пен ынтымақ тілеймін. Ел іргесі аман, келешегіміз кемел болсын!

С. Аманжолов атындағы ШҚМУ ректоры М.Ә. Төлеген