ШҚМУ ARES әлемдік рейтингінде 6 орын алды

С. Аманжолов атындағы ШҚМУ ARES (Academic Ranking of World Universities-European Standard ARES-2019) әлемдік рейтингінде 8 орыннан 6 орынға көтерілді.

ШҚМУ «А» санатынан «А+» санатына (оқытудың, ғылыми қызметтің жоғары сапасы, түлектерінің сұранысы) өтті. Рейтингке елдің 94 жоғары оқу орны қатысқан.

Нәтижелерді Еуропалық ғылыми-өнеркәсіптік палата ұсынды.

ARES жоғары оқу орындарының рейтингін жасау мақсаты – университеттердің студенттерді қажетті біліммен қамтамасыз ету қабілетін бағалау, сонымен бірге келешек жұмыс берушілермен белсенді түрде қарым-қатынас орнату және ғылыми-зерттеу жұмыстарына қатысу мүмкіндігін бағалау. 

ARES рейтингі Еуроодақ стандарттары бойынша жасалады. Бағалау барысында ғылыми жұмыс, халықаралық ынтымақтастық, түлектерге деген сұраныс, ақпараттандырылуы, еуропа ғылым академияларындағы мүшеліктер, марапаттар, жұмыс берушілермен қарым-қатынасы есепке алынады. 

Рейтинг автоматты түрде, адами факторға байланыссыз жүргізіледі. 

http://eurochambres.org/ares-2019/kazakhstan/

Сапа менеджменті, мониторинг және болжау бөлімі