ШҚМУ биотехнология ғалымдары питомникте сыналған картоп сорттарын орналастыру бойынша дала жұмыстарын жүргізді

С. Аманжолов атындағы ШҚМУ ғалымдары сыналған картоп сорттарын бәсекеге қабілетті, алдын-ала сынау питомнигінде орналастыру және клон питомнигінде алғашқы меристема ұрпақтарының клондарын отырғызу бойынша 2 жыл бойы дала жұмыстарын жүргізді.

 Бұл далалық тәжірибелер Шығыс Қазақстан облысында картоп тұқымдарының өзіндік және элиталық өндірісін жүзеге асыру үшін қажет.

Тұқымдық картоп өсірудегі негізгі міндеттердің бірі - тұқым түйнектерінің стандартты үлесінің шығымдылығының оңтайлы деңгейін, сандық шығымдылығын алу және тұқымдық материалдың тиісті санаттары үшін белгіленген стандарттардың нормативтік талаптары деңгейінде картоптың сапасын қамтамасыз ету.

Тұқымдық картопты өндірудің заманауи технологиялық процесі негізгі, элиталық және репродукциялық тұқым өндірісін қосқанда үш негізгі блоктан тұрады.

Жобаның мақсаты - Шығыс аймағының агроклиматтық жағдайындағы сорттардың вирустық инфекцияларға төзімділігін зерттеу және қамтамасыз ету.

Біз жыл сайын тексеріс жүргізіп, түсім алу үшін ең жақсы сорттарды іріктеп аламыз, тұқымның сапасын қадағалаймыз.

Қазіргі күні С.Аманжолов атындағы ШҚМУ-де in vitro сортты картоптың 80-нен астам түрі және 17 гибридті комбинация бар. 

«Изольда», «Шығыс», «Таврия» сорттары  Шығыс Қазақстан бойынша мемлекеттік реестрге берілді. 

Баспасөз қызметі