ШҚМУ-да «Діни білім – тәрбие бастауы» атты кездесу өтті

С. Аманжолов атындағы ШҚМУ физика кафедрасында Нұр-Сұлтан қаласы насихат және қоғаммен байланыс бөлімі басшысымен және Қазақстан мұсылмандары діни басқармасы Өскемен аймағының бас имамымен кездесу өтті.

Діни экстремизмнің алдын алу мақсатында физика кафедрасында «Діни білім –тәрбие бастауы» атты кездесу өтті.

Кездесуге Нұр-Сұлтан қаласы насихат және қоғаммен байланыс бөлімінің басшысы Батыржан Мансұров және Қазақстан мұсылмандары діни басқармасы Өскемен аймағының бас имамы Ермек қажы Мұқатай шақырылып, студенттермен өзекті мәселелер бойынша өз ойларымен бөлісті.

Іс-шара физика кафедрасының меңгерушісі  Г.С. Бектасованың кіріспе сөзімен басталды. Студенттер сауалдарын қоя отырып, нақты жауаптар алды.

Жиынды физика-информатика кураторы Е.О. Әміренова және ядролық физика мамандығының кураторы А.Б. Төкежанов ұйымдастырды, кездесуге аталған мамандықтың 1 курс студенттері белсенді қатысты. 

Физика кафедрасы