ШҚМУ-да «Химиялық калейдоскоп» ХІІ жыл сайынғы турнирі өтті

С. Аманжолов атындағы ШҚМУ Жаратылыстану ғылымдары және технологиялар факультетінің Химия кафедрасы орысша оқитын мектеп оқушылары арасында ХІІ «Химиялық калейдоскоп» атты жыл сайынғы турнир өткізді.

Турнир тақырыбы – «Д. Менделеевтің периодтық жүйесі».

Финалға Өскеменнің 5 командасы қатысты. Қатысушылар алдында факультет деканы М. Мадияров пен химия кафедрасының меңгерушісі Б. Шаихова сөз сөйледі.

Сайыс нәтижесінде 1 орынды №11 мектеп (ғылыми жетекшісі – И. Лушпай, 2 орынды облыстық математика, физика, информатика саласындағы дарынды балаларға арналған мектеп-лицей (ғылыми жетекшісі – И. Ткачева), 3 орынды №34 мектеп (ғылыми жетекшісі – О. Гурьянова) иеленді.

Капитандар байқауында №11 мектептің оқушысы Яна Баус үздік атанды. «Жас химик» конкурсында облыстық математика, физика, информатика саласындағы дарынды балаларға арналған мектеп-лицей оқушылары Даниил Сидоров пен Мария Ведяшкина алдан көрінді.

Баспасөз қызметі