ШҚМУ-да «Әйел бейнесі: кеше, бүгін, ертең» дөңгелек үстелі өтті
С. Аманжолов атындағы ШҚМУ Тарих, филология және халықаралық қатынастар факультетінің әдістемелік онкүндігі аясында Рухани жаңғыру және әлеуметтік-гуманитарлық пәндер кафедрасы «Әйел бейнесі: кеше, бүгін, ертең» дөңгелек үстелін өткізді.
Іс-шара мақсаты – әйелдердің қоғамдағы рөліне талдау жасап, студенттерге этикалық, эстетикалық құндылықтарды насихаттау.
Кафедра профессоры Марат Мағзұмов модератор ретінде әйелдердің мемлекеттегі орны және әйелдер туралы заңнамалық нормалар туралы айтса, өңдеу өндірісінің технологиясы мамандығының 2 курс студенті Жұлдызай Бақтыбайқызы «Жаһандану үрдісіндегі әйел бейнесі. Гендірлік саясат», Гүлжазира Кәденова «Қоғамдағы ер мен әйел арасындағы теңдік: әлеуметтік талдау», экология мамандығының 2 курс студенттері Айдана Нұразханова, Данагүл Тоқтаған «Бүгінгі таңдағы қыз бейнесі» баяндамаларын жасады.
Рухани жаңғыру және әлеуметтік-гуманитарлық пәндер кафедрасы
Қазақ