ШҚМУ-дың көшбасшы жастары бірінші курс студенттерімен жүздесті

С. Аманжолов атындағы ШҚМУ-дың белсенді жастары бірінші курс студенттерімен кездесті.

С. Аманжолов атындағы ШҚМУ тәрбие жұмысы және әлеуметтік мәселелер бөлімі басшысының орынбасары Гәкку Абылқасымова, Жастар ісі жөніндегі комитет төрағасы Әбубәкір Марлен, «Жас Отан» жастар қанатының төрағасы Мұса Сағадат және университеттің белсенді 2-3 курс студенттері 1 курс студенттерімен кездесті.

– Студенттік шақта жас өз-өзін дамытып, тұлға болып қалыптасады. Бұл шақта бос уақытты тиімді пайдаланбау, қоғамдық жұмыстарға белсене араласпау дұрыс емес. Арда азамат болу үшін жас шағыңда тиімді іспен айналысу керек. Үнемі көтеріңкі көңіл күй, позэтивті ой, мол энергиямен келешекке жарқын көзқараспен қарау аса маңызды, – деген көшбасшы жастар студенттерді белсенді өмірге тартып, жастық кезең сәттерінен сыр шертті.

Кездесу соңында алдағы күнге жоспар құрылып, 1 курс студенттері белсенділер тізіміне жарыса жазылды.      

Тәрбие жұмысы және әлеуметтік сұрақтар бөлім