ШҚМУ-дың оқытушылары Англиядағы Burlington school мектебінде біліктілік арттыруда

Компьютерлік модельдеу және ақпараттық технологиялар кафедрасының меңгерушісі, техника ғылымдарының кандидаты Жеңіскүл Жантасова мен химия аға оқытушысы, PhD докторы Мәншүк Нықмұқанова Британияның бас қаласы – Лондондағы Барлингтон мектебінде (Burlington school) ағылшын тілі бойынша курстардан өтуде.

Үштілділік бағдарламасы аясында және С. Аманжолов атындағы ШҚМУ басшылығының қолдауымен оқытушылар тағлымдамадан наурыздың 6-ы мен 22-і арлығында өтуде.

Бұл курстар ағылшын тілінде нағыз қарым-қатынасты жетілдірудің ортасы болып отыр: бір топта түрлі елдерден бір-бірімізбен сөйлесіп, түсініп, ағылшын тілін меңгереміз деген білім алушылар біріккен.

Ағылшын оқытушылары күнделікті білім алушылардың іс-әрекеттерін ширату мақсатымен түрлі әдіс-тәсілдер қолдануда: ойын әдістері, шағын топтарда жұмыс жасау, мәселені талқылап, шешімін табу (CASE-әдістер) және т.с.с. 

Компьютерлік модельдеу және ақпараттық технологиялар кафедрасы