ШҚМУ-дың пікірсайыс командасы қалалық сайыста үздік атанды

Достық үйі – Қоғамдық келісім орталығында Өскемен қаласы жоғары оқу орындарының студенттері арасында қазақ, орыс, ағылшын тілдерінде пікірсайыс өтті.

«Рухани Жаңғыру» бағдарламасы аясындағы пікірсайысқа С. Аманжолов атындағы ШҚМУ-дан екі команда қатысты. Бір команда үздік топ атанса, үздік спикер атақтарына «Шет тілі: екі шет тілі» мамандығының 2 курс студенті Әмина Тәйшікенова мен «Әлеуметтік педагогика және өзін-өзі тану» мамандығының 3 курс студенті Әділ Манапбай ие болды.

 Пікірсайысқа ШҚМУ Тарих, филология және халықаралық қатынастар факультеті Қазақстан тарихы кафедрасының меңгерушісі Жанна Әубәкірова мен Рухани жаңғыру және әлеуметтік-гуманитарлық пәндер кафедрасының аға оқытушысы Майра Шүршітбай төрелік етті.  

Рухани жаңғыру және әлеуметтік-гуманитарлық пәндер кафедрасы