ШҚМУ-дың үш өкілі ҚР БҒМ марапатына ие болды
ШҚО білім беру саласы қызметкерлерінің тамыз кеңесі барысында, ҚР БҒМ наградалары мен ШҚО әкімінің мақтау қағаздары табысталды.
Сонымен қатар, биылғы жылы "Ең үздік білім беру ұйымы" номинациясы бойынша 22 627 200 теңгенің сертификаты Аягөз қаласының № 5 орта мектебіне табысталды.
Марапатталушылар арасында С. Аманжолов атындағы ШҚМУ-дың үш өкілі бар. Олар профессор, экономика ғылымдарының докторы Үсен Сүлейменұлы Әлімбетов, академиялық саясат және білім беру бағдарламаларын басқару департаментінің директоры Ирина Станиславовна Стеблецова, компьютерлік үлгілеу және ақпараттық теxнологиялар кафедрасының меңгерушісі, теxника ғылымдарының кандидаты Жеңіскүл Зейнешқызы Жантасова.
Баспасөз қызметі
Қазақ