ШҚМУ мен Ұлан ауданы М. Ломоносов атындағы мектеп ынтымақтастық меморандумын жасасты

С. Аманжолов атындағы ШҚМУ мен Ұлан ауданы Мамай батыр ауылындағы М. Ломоносов атындағы орта мектеп арасында ынтымақтастық туралы меморандумға қол қойылды.

Тараптар ғылыми, ғылыми-педагогикалық, ғылыми-өндірістік ынтымақтастық орнату, оқытушылар біліктілігін арттыруды ұйымдастыру, кітапханааралық серіктестік орнату, бірлескен ғылыми-білім беру жобаларын іске асыру, іс-тәжірибелер өткізу бойынша уағдаласты.

Құжат бойынша екі жақ оқытушылармен алмасу, жаңа оқу бағдарламаларын жасау, курстық, дипломдық жұмыстарға, әдістемелік әзірлемелерге, оқу құралдарына өзара пікір білдіру, бірлескен конференция-семинарларға қатысу, электронды кітапханалар қорын пайдалану, ақпаратпен және әдебиетпен алмасу бағыттарында жұмыс істемек.

Шарт мерзімі бес жылды қамтиды.

Баспасөз қызметі