ШҚМУ студенттері мемлекеттік қызмет істері агенттігі өкілдерімен кездесті

С. Аманжолов атындағы ШҚМУ-дың «PARASAT» студентерге қызмет көрсету орталығында облыс бойынша мемлекеттік қызмет істері және сыбайлас жемқорлыққа қарсы іс-қимыл агенттігі басшысының орынбасары Т. Мұқановтың жетекшілігімен кездесу өтті.

Іс-шара жастар жылы аясында университет пен департаменттің бірлескен жұмысының келешегін талқылауға арналды.

Кездесуде соңғы курс студенттерінің мемлекеттік органдарда іс-тәжірибесін ұйымдастыру, тренинг өткізу мақсатында Жас мемлекеттік қызметкерлер мектебін бірлесіп өткізу, электрондық сауаттылықты арттыру мәселелері талқыланды.

Қорытындысында талқыланған мәселелер бойынша келісім болды. 27 ақпанда жоспарланған іс-шаралардың алғашқысы – мемлекеттік қызметке бағдарланған студенттерге арналған ақпараттық кездесу ұйымдастырылады деп шешілді.

Кездесу сағат 15.00-де №1 оқу ғимаратының (30-шы Гвардия дивизия к., 34) №257 дәрісханасында өтеді. Кездесуге 3, 4 курс студенттері, барлық қызығушылық танытқан тараптар шақырылады.

Академиялық саясат және білім беру

бағдарламаларын басқару департаменті