ШҚМУ Жоғарғы колледжінің командасы қалалық спорттық ойындарда 1-ші орынға ие болды

 Өскемен қаласында облыс орталығының колледж студенттері арасында «Біз – салауатты өмір үшін» акциясы өтті. Оған ШҚМУ Жоғарғы колледжінің студенттері қатысты.

Аталмыш акцияға жалпы 9 оқу орны қатысуға ниет білдірді.

С. Аманжолов атындағы ШҚМУ Жоғарғы колледжінің 1-2 курс студенттерінен құралған топ жетекшілері дене шынықтыру пәнінің оқытушылары Әнел Таранова және Дәулетқан Шаттық.

Колледж студенттерінің басын қосқан акцияның мақсаты – салауатты өмір салтын ұстануға шақыру, зиянды әдеттерге бет бұрмауға, спорпен шұғылдануға шақыру болып табылады.

Іс-шара бағдарламасында түрлі спорттық ойындар, сайыстар, эстафеталар ұйымдастырылды. Барлық сыннан сүрінбей өткен С. Аманжолов атындағы ШҚМУ Жоғарғы колледжінің студенттерінен құралған команда 1-ші орынды қанжығаларына байлады.

Жеңімпаздарды шын жүректен құттықтап, алдағы уақытта да сәттілік серік болғай демекпіз!

Баспасөз қызметі