ШҚО делегациясы Нұр-Сұлтандағы Абайдың 175 жылдығының ашылуына қатысты

С. Аманжолов атындағы ШҚМУ ректоры Мұхтар Төлеген мен университеттің Қазақ, орыс филологиясы және журналистика кафедрасының аға оқытушысы, «Алтын қалам-2019» республикалық әдеби байқауының жеңімпазы Ольга Кувшинникова облыс делегациясы құрамында Нұр-Сұлтан қаласындағы Абай жылының басталуына арналған іс-шараға қатысты.

Облыс әкімі Даниал Ахметов бастаған делегацияда 50 шақты адам болды.

Салтанатты шара «Астана Опера» театрында өтті, оған Елбасы Н. Назарбаев пен Мемлекет басшысы Қ. Тоқаев қатысты.

Жиында «Қазақ халқы – Абайдың халқы» концерті өтіп, Асанәлі Әшімов, Әлібек Дінішев, Роза Рымбаева, Майра Мұхамедқызы, Айман Мұсақожаева, Берік Айтжанов сынды өнер тарландары Абайдың туындыларын орындады.

Биыл облыста ақын мерейтойына арналған 500-дей іс-шара өтеді, оның 20-дан астамы халықаралық дәрежеде болады.

Баспасөз қызметі

Суреттері www.akorda.kz 

 www.altaynews.kz