ШҚУ ғалымы форсайттық зерттеулердің республикалық жобасына сарапшы болды

«Рухани жаңғыру» қазақстандық қоғамдық даму институты «Қоғамдық сананы жаңғырту саласындағы форсайттық зерттеулер» жаңа жобасын іске асыруға кірісті.

Форсайт-технология – бұл әлеуметтік процестердің дамуын қысқамерзімді және ортамерзімді перспективаға жоғары дәлдікпен болжау.

Форсайт-болжамдардың негізі brainstorming («ми шабуылы») барысында алынған сараптамалық бағалау болып табылады.

«Рухани жаңғыру» ҚҚДИ жобаға қатысуға әлеуметтік теория мен практиканың түрлі салаларындағы республикалық сарапшыларды тартты. Сарапшылар қатарында – әлеуметтану ғылымдарының кандидаты, «Алтайтану» ҒЗО бас ғылыми қызметкері Элеонора Столярова бар.

Бірінші форсайт-сессия 17-19 тамызда өтті және «Болашақ қазақстандықтың бейнесін қалыптастыру» тақырыбын талқылауға арналды.

Үш күндік жұмыс барысында сарапшылар бүгінгі күннің негізгі үрдістерін, олардың тәуекелдері мен артықшылықтарын анықтады, сондай-ақ алдағы он жылда әлеуметтік және экономикалық белсенді қазақстандық ие болатын жеке және кәсіби ерекшеліктерін анықтауға тырысты.

Келесі форсайт-сессияға сарапшылар 24-26 тамызда жиналып, алдағы онжылдықтағы Қазақстанның халықаралық аренадағы орны мен рөлін қалыптастыруға тырысады.

https://ruh.kz/news/obraz-budushchego-kazakhstantsa-issleduyut-v-rk/

«Алтайтану» ҒЗО