Құрметті оқырмандар, студенттер оқу залында (№ 1 ғимарат, 303 ауд.) «Бір ел – бір кітап» республикалық акциясы аясында ұйымдастырылған  көрме жұмыс істейді.

Акция 2007 жылдан бастап ҚР Ұлттық академиялық кітапханасы мен ҚР кітапхана қауымдастығының бастамасымен ҚР Мәдениет және ақпарат министрлігінің қолдауымен өткізілуде. Биыл оқу үшін көрнекті прозашы және мемлекет қайраткері Әбіш Кекілбаевтың «Аңыздың ақыры» романы мен Әбділда Тәжібаевтың ақындық шығармалары алынған.

Қаламгерлердің өмірі мен шығармашылығы туралы материалдар ұсынылған көрме 31 желтоқсанға дейін жұмыс істейді.

Баршаңызды жыл кітаптарын оқуға шақырамыз!

Ғылыми кітапхана