Мәскеулік профессор ШҚМУ студенттеріне арналған дөңгелек үстелге қатысты

Мәскеудегі Ресей халықтар достығы университетінің профессоры, заң ғылымының докторы Лев Бертовский С. Аманжолов атындағы ШҚМУ студенттеріне арналған дөңгелек үстелге қатысты.

Дөңгелек үстел тақырыбы – «Қазақстандағы және шетелдегі сыбайлас жемқорлыққа қарсы заңнаманы қолданудың өзекті мәселелері».

Лев Владимирович Бертовский Ресейдегі антикоррупциялық заңнама туралы айтып, өз тәжірибесімен бөлісті, студенттер сұрақтарына жауап берді.    

Ресей ғалымы бұл шараға ШҚМУ-да өткен «Қоғамдағы сыбайлас жемқорлыққа қарсы іс-қимылдың адамгершілік-этикалық және құқықтық негіздері» халықаралық ғылыми-тәжірибелік конференциясы аясында қатысты. Конференцияда ол цифрландыру жағдайындағы жемқорлықпен күрес мәселелері тақырыбында баяндама жасады.

Л.В. Бертовский ШҚМУ-дың №1 оқу ғимаратында орналасқан Криминалистикалық орталығымен, «Рухани жаңғыру» конференц-залымен және «Altai jastary» телестудиясымен танысты.

Баспасөз қызметі