С. Аманжолов атындағы ШҚМУ ректоры Мұхтар Әділбекұлы Төлеген Өскемендегі Назарбаев зияткерлік мектебінде болды.

Мектеп басшылығының шақыруымен ол «Көшбасшылық сабағы» бағдарламасының қонағы болды.

Оқушылармен ашық, еркін әңгімелесу форматында С. Аманжолов атындағы ШҚМУ ректоры, профессор, заң ғылымының кандидаты, философия докторы, Педагогикалық ғылым академиясының академигі Мұхтар Әділбекұлы  Төлеген адам адал әрі қажырлы еңбегінің арқасында биік белестерге жете алатынын айтып, көшбасшылық құпияларымен бөлісті және заманауи басшыға қажет қабілеттерді атады.

Кездесу соңында ол жеткіншектерге мектепті табысты аяқтап, қалаған жоғары оқу орындарына түсуді тіледі.

Баспасөз қызметі