С. Аманжолов атындағы ШҚМУ студенттері Д. Серікбаев атындағы ШҚМТУ-да сыбайлас жемқорлыққа қарсы іс-қимыл агенттігінің төрағасы А. Шпекбаевтың қатысуымен өткен «Адал ұрпақ» студенттік антикоррупциялық форумына қатысты.

Іс-шараға облыс әкімі Д. Ахметов, облыс ЖОО-ларының ректорлары, қала колледждерінің басшылары, спортшылар, «Sanaly urpaq» және «Adal urpaq» клубтарының өкілдері, еріктілер, қоғам қайраткерлері қатысты.

Қатысушылар қатарында С. Аманжолов атындағы ШҚМУ ректоры Мұхтар Төлеген де болды.

Форумда студенттер «Sanaly urpaq» фронт-кеңсесінің жұмысы, университеттегі адалдықты қалыптастыру іс-шаралары туралы айтты.

Жобалар көрмесінде ШҚМУ студенттері Абжатов Шыңғыс, Дидар Жарқын, Бауыржанова Шынар «Таза қол» студенттік сынақ кітапшасы», «Адалдық кітапшасы» ұялы телефон қосымшасы» жобаларын таныстырды.

Студент Азамат Сүлейменов «ШҚМУ – адал университет» жобасының нәтижелері туралы айтып берді.

Баспасөз қызметі,

«Sanaly urpaq» фронт-кеңсесі