Қадірлі достар! Құрметті әріптестер!

С.Аманжолов атындағы Шығыс Қазақстан мемлекеттік университетінің ресми сайтында Сіздермен кездесіп, ой бөлісуге қуаныштымын!

Университеттің 60 жылғы қызметі көптеген мәртебелі істерімен ерекшеленеді. Жоғары оқу орнының ұжымы мен түлектері, жалпы өңір тұрғындары университеттің нәтижелі қызметін мақтан етеді. 

Қазақстанның болашағы зор және қарқынды даму үстіндегі жоғары оқу орындарының бірі болып табылатын осы білім ордасын басқару мен үшін үлкен абырой, әрі жоғары жауапкершілік.

Профессорлар мен оқытушылардың қуатты зияткерлік әлеуетіне, дағдылық және өмірлік тәжірибесіне, жоғары азаматтық жауапкершілігіне, Шығыс Қазақстанның сарқылмас адами қорына сүйене отырып университет өзінің стратегиялық даму жоспарын жүзеге асыратынына кәміл сенемін!

Бүгінгі күні ШҚМУ бірегей оқу-ғылыми, зерттеу және мәдени-ағарту кешені болып табылады. Жоғары және жоғары оқу орнынан кейінгі білім беру бағдарламалары бойынша мамандар дайындауда еліміздің көп бейінді университеттерінің бірінші ондығына кіреді. Үш беделді халықаралық қауымдастықтардың, соның ішінде Еуразиялық университеттер қауымдастығының мүшесі болып табылады. 2009 жылы С.Аманжолов атындағы ШҚМУ университеттердің Ұлы хартиясына қол қойып, Болон үрдісіне қосылды.

Университет қазір өз дамуының жаңа сатысында, ірі білім беру, зерттеу және инновациялық орталыққа айналу үстінде. Университетте «Ядролық технологиялар және қайта жаңартылатын технологиялар» атты ұжымдық пайдаланудағы ұлттық ғылыми зертхана табысты қызмет атқаруда. ҚР БҒМ, «Даму», «Парасат» қорларының 30 гранттары бойынша ғылыми-зерттеу жобалар іске асырылуда. «Ядролық физика» мамандығы бойынша дайындық жүргізіледі, физикадан PhD докторантурасы ашылған.  

Осы үндеуімді университеттің болашақ талапкерлеріне де арнаймын. Бүгінгі күні талапкерлердің көпшілігі өмірдегі ең жауапты таңдауын жасау үстінде, яғни, келешектегі мамандығын анықтауда.  Бұл таңдау талапкердің ұзақ жылғы уақытты қамтитын мансабына ғана емес, бүкіл өміріне өз ықпалын тигізеді. Сондықтан, оқу орнын таңдаған кезде, ең алдымен өз болашағыңды ойлау парыз. Бұл болашақты С.Аманжолов атындағы ШҚМУ қамти алады.

Университет тек жаңа қоғамның іргесін қалай білетін, әрі инновациялық экономиканы  құра алатын және нарықтық қатынастар жүйесінде бәсекеге қабілетті кәсіпқой маманды ғана емес, сондай-ақ, инноваторды, тек тұлғаны ғана емес, сонымен қатар, көшбасшыны, адамды ғана емес, отансүйгіш азаматты дайындайды.

ШҚМУ талапкерлеріне, студенттеріне, магистранттарына, оқытушылары мен қызметкерлеріне алға қойған мақсаттарының жүзеге асуына, оқуда және еңбекте табысты болуына тілектеспін!

Баршаңызды Жаңа 2013 жылмен құттықтаймын!

С.Аманжолов атындағы ШҚМУ ректоры,

Ә. Қуандықов