Білім беру сапасын қамтамасыздандыру бойынша тәуелсіз агенттік (IQAA) 25 мамырда өткен Аккредиттеу кеңесі отырысының қорытындысы бойынша «С. Аманжолов атындағы Шығыс Қазақстан мемлекеттік университеті» ШЖҚ РМК-ны 5 жыл мерзімге аккредиттеу» шешімі шығарылғанын хабарлады.

Университет жыл сайын Білім беру сапасын қамтамасыздандыру бойынша тәуелсіз агенттікке аккредиттеуден кейінгі мониторинг шарты негізінде бір жылдағы білім сапасын қолдауға қатысты жетістіктері және өзгерістері туралы есеп ұсынуы тиіс.

Алғашқы жазбаша есепті 2020 жылдың 20 сәуіріне дейін ұсынуы керек.

«Агенттік сіздерді құттықтайды және университет ұжымына жаңа табыстар тілейді!» делінген ШҚМУ ректоры Мұхтар Төлегенге жолданған хатта.

Баспасөз қызметі